Quran Majeed

عَمَّ يَتَسَاءَلُونَ

یہ لوگ کس چیز کے بارے میں پوچھ گچھ کر رہے ہیں؟

عَنِ النَّبَإِ الْعَظِيمِ

کیا اُس بڑی خبر کے بارے میں

الَّذِي هُمْ فِيهِ مُخْتَلِفُونَ

جس کے متعلق یہ مختلف چہ میگوئیاں کرنے میں لگے ہوئے ہیں؟

كَلَّا سَيَعْلَمُونَ

ہرگز نہیں، عنقریب اِنہیں معلوم ہو جائیگا

ثُمَّ كَلَّا سَيَعْلَمُونَ

ہاں، ہرگز نہیں، عنقریب اِنہیں معلوم ہو جائے گا

أَلَمْ نَجْعَلِ الْأَرْضَ مِهَادًا

کیا یہ واقعہ نہیں ہے کہ ہم نے زمین کو فرش بنایا

وَالْجِبَالَ أَوْتَادًا

اور پہاڑوں کو میخوں کی طرح گاڑ دیا

وَخَلَقْنَاكُمْ أَزْوَاجًا

اور تمہیں (مَردوں اور عورتوں کے) جوڑوں کی شکل میں پیدا کیا

وَجَعَلْنَا نَوْمَكُمْ سُبَاتًا

اور تمہاری نیند کو باعث سکون بنایا

وَجَعَلْنَا اللَّيْلَ لِبَاسًا

اور رات کو پردہ پوش

وَجَعَلْنَا النَّهَارَ مَعَاشًا

اور دن کو معاش کا وقت بنایا

وَبَنَيْنَا فَوْقَكُمْ سَبْعًا شِدَادًا

اور تمہارے اوپر سات مضبوط آسمان قائم کیے

وَجَعَلْنَا سِرَاجًا وَهَّاجًا

اور ایک نہایت روشن اور گرم چراغ پیدا کیا

وَأَنزَلْنَا مِنَ الْمُعْصِرَاتِ مَاءً ثَجَّاجًا

اور بادلوں سے لگاتار بارش برسائی

لِّنُخْرِجَ بِهِ حَبًّا وَنَبَاتًا

تاکہ اس کے ذریعہ سے غلہ اور سبزی

وَجَنَّاتٍ أَلْفَافًا

اور گھنے باغ اگائیں؟

إِنَّ يَوْمَ الْفَصْلِ كَانَ مِيقَاتًا

بے شک فیصلے کا دن ایک مقرر وقت ہے

يَوْمَ يُنفَخُ فِي الصُّورِ فَتَأْتُونَ أَفْوَاجًا

جس روز صور میں پھونک مار دی جائے گی، تم فوج در فوج نکل آؤ گے

وَفُتِحَتِ السَّمَاءُ فَكَانَتْ أَبْوَابًا

اور آسمان کھول دیا جائے گا حتیٰ کہ وہ دروازے ہی دروازے بن کر رہ جائے گا

وَسُيِّرَتِ الْجِبَالُ فَكَانَتْ سَرَابًا

اور پہاڑ چلائے جائیں گے یہاں تک کہ وہ سراب ہو جائیں گے

إِنَّ جَهَنَّمَ كَانَتْ مِرْصَادًا

درحقیقت جہنم ایک گھات ہے

لِّلطَّاغِينَ مَآبًا

سرکشوں کا ٹھکانا

لَّابِثِينَ فِيهَا أَحْقَابًا

جس میں وہ مدتوں پڑے رہیں گے

لَّا يَذُوقُونَ فِيهَا بَرْدًا وَلَا شَرَابًا

اُس کے اندر کسی ٹھنڈک اور پینے کے قابل کسی چیز کا مزہ وہ نہ چکھیں گے

إِلَّا حَمِيمًا وَغَسَّاقًا

کچھ ملے گا تو بس گرم پانی اور زخموں کا دھوون

جَزَاءً وِفَاقًا

(اُن کے کرتوتوں) کا بھرپور بدلہ

إِنَّهُمْ كَانُوا لَا يَرْجُونَ حِسَابًا

وہ کسی حساب کی توقع نہ رکھتے تھے

وَكَذَّبُوا بِآيَاتِنَا كِذَّابًا

اور ہماری آیات کو انہوں نے بالکل جھٹلا دیا تھا

وَكُلَّ شَيْءٍ أَحْصَيْنَاهُ كِتَابًا

اور حال یہ تھا کہ ہم نے ہر چیز گن گن کر لکھ رکھی تھی

فَذُوقُوا فَلَن نَّزِيدَكُمْ إِلَّا عَذَابًا

اب چکھو مزہ، ہم تمہارے لیے عذاب کے سوا کسی چیز میں ہرگز اضافہ نہ کریں گے

إِنَّ لِلْمُتَّقِينَ مَفَازًا

یقیناً متقیوں کے لیے کامرانی کا ایک مقام ہے

حَدَائِقَ وَأَعْنَابًا

باغ اور انگور

وَكَوَاعِبَ أَتْرَابًا

اور نوخیر ہم سن لڑکیاں

وَكَأْسًا دِهَاقًا

اور چھلکتے ہوئے جام

لَّا يَسْمَعُونَ فِيهَا لَغْوًا وَلَا كِذَّابًا

وہاں کوئی لغو اور جھوٹی بات وہ نہ سنیں گے

جَزَاءً مِّن رَّبِّكَ عَطَاءً حِسَابًا

جزا اور کافی انعام تمہارے رب کی طرف سے

رَّبِّ السَّمَاوَاتِ وَالْأَرْضِ وَمَا بَيْنَهُمَا الرَّحْمَـٰنِ ۖ لَا يَمْلِكُونَ مِنْهُ خِطَابًا

اُس نہایت مہربان خدا کی طرف سے جو زمین اور آسمانوں کا اور ان کے درمیان کی ہر چیز کا مالک ہے جس کے سامنے کسی کو بولنے کا یارا نہیں

يَوْمَ يَقُومُ الرُّوحُ وَالْمَلَائِكَةُ صَفًّا ۖ لَّا يَتَكَلَّمُونَ إِلَّا مَنْ أَذِنَ لَهُ الرَّحْمَـٰنُ وَقَالَ صَوَابًا

جس روز روح اور ملائکہ صف بستہ کھڑے ہونگے، کوئی نہ بولے گا سوائے اُس کے جسے رحمٰن اجازت دے اور جو ٹھیک بات کہے

ذَٰلِكَ الْيَوْمُ الْحَقُّ ۖ فَمَن شَاءَ اتَّخَذَ إِلَىٰ رَبِّهِ مَآبًا

وہ دن برحق ہے، اب جس کا جی چاہے اپنے رب کی طرف پلٹنے کا راستہ اختیار کر لے

إِنَّا أَنذَرْنَاكُمْ عَذَابًا قَرِيبًا يَوْمَ يَنظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنتُ تُرَابًا

ہم نے تم لوگوں کو اُس عذاب سے ڈرا دیا ہے جو قریب آ لگا ہے جس روز آدمی وہ سب کچھ دیکھ لے گا جو اس کے ہاتھوں نے آگے بھیجا ہے، اور کافر پکار اٹھے گا کہ کاش میں خاک ہوتا

وَالنَّازِعَاتِ غَرْقًا

قسم ہے اُن (فرشتوں کی) جو ڈوب کر کھینچتے ہیں

وَالنَّاشِطَاتِ نَشْطًا

اور آہستگی سے نکال لے جاتے ہیں

وَالسَّابِحَاتِ سَبْحًا

اور (اُن فرشتوں کی جو کائنات میں) تیزی سے تیرتے پھرتے ہیں

فَالسَّابِقَاتِ سَبْقًا

پھر (حکم بجا لانے میں) سبقت کرتے ہیں

فَالْمُدَبِّرَاتِ أَمْرًا

پھر (احکام الٰہی کے مطابق) معاملات کا انتظام چلاتے ہیں

يَوْمَ تَرْجُفُ الرَّاجِفَةُ

جس روز ہلا مارے گا زلزلے کا جھٹکا

تَتْبَعُهَا الرَّادِفَةُ

اور اس کے پیچھے ایک اور جھٹکا پڑے گا

قُلُوبٌ يَوْمَئِذٍ وَاجِفَةٌ

کچھ دل ہوں گے جو اُس روز خوف سے کانپ رہے ہوں گے

أَبْصَارُهَا خَاشِعَةٌ

نگاہیں اُن کی سہمی ہوئی ہوں گی

يَقُولُونَ أَإِنَّا لَمَرْدُودُونَ فِي الْحَافِرَةِ

یہ لوگ کہتے ہیں "کیا واقعی ہم پلٹا کر پھر واپس لائے جائیں گے؟

أَإِذَا كُنَّا عِظَامًا نَّخِرَةً

کیا جب ہم کھوکھلی بوسیدہ ہڈیاں بن چکے ہوں گے؟"

قَالُوا تِلْكَ إِذًا كَرَّةٌ خَاسِرَةٌ

کہنے لگے "یہ واپسی تو پھر بڑے گھاٹے کی ہوگی!"

فَإِنَّمَا هِيَ زَجْرَةٌ وَاحِدَةٌ

حالانکہ یہ بس اتنا کام ہے کہ ایک زور کی ڈانٹ پڑے گی

فَإِذَا هُم بِالسَّاهِرَةِ

اور یکایک یہ کھلے میدان میں موجود ہوں گے

هَلْ أَتَاكَ حَدِيثُ مُوسَىٰ

کیا تمہیں موسیٰؑ کے قصے کی خبر پہنچی ہے؟

إِذْ نَادَاهُ رَبُّهُ بِالْوَادِ الْمُقَدَّسِ طُوًى

جب اس کے رب نے اُسے طویٰ کی مقدس وادی میں پکارا تھا

اذْهَبْ إِلَىٰ فِرْعَوْنَ إِنَّهُ طَغَىٰ

کہ "فرعون کے پاس جا، وہ سرکش ہو گیا ہے

فَقُلْ هَل لَّكَ إِلَىٰ أَن تَزَكَّىٰ

اور اس سے کہہ کیا تو اِس کے لیے تیار ہے کہ پاکیزگی اختیار کرے

وَأَهْدِيَكَ إِلَىٰ رَبِّكَ فَتَخْشَىٰ

اور میں تیرے رب کی طرف تیری رہنمائی کروں تو (اُس کا) خوف تیرے اندر پیدا ہو؟"

فَأَرَاهُ الْآيَةَ الْكُبْرَىٰ

پھر موسیٰؑ نے (فرعون کے پاس جا کر) اُس کو بڑی نشانی دکھائی

فَكَذَّبَ وَعَصَىٰ

مگر اُس نے جھٹلا دیا اور نہ مانا

ثُمَّ أَدْبَرَ يَسْعَىٰ

پھر چالبازیاں کرنے کے لیے پلٹا

فَحَشَرَ فَنَادَىٰ

اور لوگوں کو جمع کر کے اس نے پکار کر کہا

فَقَالَ أَنَا رَبُّكُمُ الْأَعْلَىٰ

"میں تمہارا سب سے بڑا رب ہوں"

فَأَخَذَهُ اللَّهُ نَكَالَ الْآخِرَةِ وَالْأُولَىٰ

آخرکار اللہ نے اسے آخرت اور دنیا کے عذاب میں پکڑ لیا

إِنَّ فِي ذَٰلِكَ لَعِبْرَةً لِّمَن يَخْشَىٰ

درحقیقت اِس میں بڑی عبرت ہے ہر اُس شخص کے لیے جو ڈرے

أَأَنتُمْ أَشَدُّ خَلْقًا أَمِ السَّمَاءُ ۚ بَنَاهَا

کیا تم لوگوں کی تخلیق زیادہ سخت کام ہے یا آسمان کی؟ اللہ نے اُس کو بنایا

رَفَعَ سَمْكَهَا فَسَوَّاهَا

اُس کی چھت خوب اونچی اٹھائی پھر اُس کا توازن قائم کیا

وَأَغْطَشَ لَيْلَهَا وَأَخْرَجَ ضُحَاهَا

اور اُس کی رات ڈھانکی اور اُس کا دن نکالا

وَالْأَرْضَ بَعْدَ ذَٰلِكَ دَحَاهَا

اِس کے بعد زمین کو اس نے بچھایا

أَخْرَجَ مِنْهَا مَاءَهَا وَمَرْعَاهَا

اُس کے اندر سے اُس کا پانی اور چارہ نکالا

وَالْجِبَالَ أَرْسَاهَا

اور پہاڑ اس میں گاڑ دیے

مَتَاعًا لَّكُمْ وَلِأَنْعَامِكُمْ

سامان زیست کے طور پر تمہارے لیے اور تمہارے مویشیوں کے لیے

فَإِذَا جَاءَتِ الطَّامَّةُ الْكُبْرَىٰ

پھر جب وہ ہنگامہ عظیم برپا ہوگا

يَوْمَ يَتَذَكَّرُ الْإِنسَانُ مَا سَعَىٰ

جس روز انسان اپنا سب کیا دھرا یاد کرے گا

وَبُرِّزَتِ الْجَحِيمُ لِمَن يَرَىٰ

اور ہر دیکھنے والے کے سامنے دوزخ کھول کر رکھ دی جائے گی

فَأَمَّا مَن طَغَىٰ

تو جس نے سرکشی کی تھی

وَآثَرَ الْحَيَاةَ الدُّنْيَا

اور دنیا کی زندگی کو ترجیح دی تھی

فَإِنَّ الْجَحِيمَ هِيَ الْمَأْوَىٰ

دوزخ ہی اس کا ٹھکانا ہوگی

وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ

اور جس نے اپنے رب کے سامنے کھڑے ہونے کا خوف کیا تھا اور نفس کو بری خواہشات سے باز رکھا تھا

فَإِنَّ الْجَنَّةَ هِيَ الْمَأْوَىٰ

جنت اس کا ٹھکانا ہوگی

يَسْأَلُونَكَ عَنِ السَّاعَةِ أَيَّانَ مُرْسَاهَا

یہ لوگ تم سے پوچھتے ہیں کہ "آخر وہ گھڑی کب آ کر ٹھیرے گی؟"

فِيمَ أَنتَ مِن ذِكْرَاهَا

تمہارا کیا کام کہ اس کا وقت بتاؤ

إِلَىٰ رَبِّكَ مُنتَهَاهَا

اس کا علم تو اللہ پر ختم ہے

إِنَّمَا أَنتَ مُنذِرُ مَن يَخْشَاهَا

تم صرف خبردار کرنے والے ہو ہر اُس شخص کو جو اُس کا خوف کرے

كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا

جس روز یہ لوگ اسے دیکھ لیں گے تو انہیں یوں محسوس ہوگا کہ (یہ دنیا میں یا حالت موت میں) بس ایک دن کے پچھلے پہر یا اگلے پہر تک ٹھیرے ہیں

عَبَسَ وَتَوَلَّىٰ

ترش رو ہوا، اور بے رخی برتی

أَن جَاءَهُ الْأَعْمَىٰ

اِس بات پر کہ وہ اندھا اُس کے پاس آ گیا

وَمَا يُدْرِيكَ لَعَلَّهُ يَزَّكَّىٰ

تمہیں کیا خبر، شاید وہ سدھر جائے

أَوْ يَذَّكَّرُ فَتَنفَعَهُ الذِّكْرَىٰ

یا نصیحت پر دھیان دے، اور نصیحت کرنا اس کے لیے نافع ہو؟

أَمَّا مَنِ اسْتَغْنَىٰ

جو شخص بے پروائی برتتا ہے

فَأَنتَ لَهُ تَصَدَّىٰ

اس کی طرف تو تم توجہ کرتے ہو

وَمَا عَلَيْكَ أَلَّا يَزَّكَّىٰ

حالانکہ اگر وہ نہ سدھرے تو تم پر اس کی کیا ذمہ داری ہے؟

وَأَمَّا مَن جَاءَكَ يَسْعَىٰ

اور جو خود تمہارے پاس دوڑا آتا ہے

وَهُوَ يَخْشَىٰ

اور وہ ڈر رہا ہوتا ہے

فَأَنتَ عَنْهُ تَلَهَّىٰ

اس سے تم بے رخی برتتے ہو

كَلَّا إِنَّهَا تَذْكِرَةٌ

ہرگز نہیں، یہ تو ایک نصیحت ہے

فَمَن شَاءَ ذَكَرَهُ

جس کا جی چاہے اِسے قبول کرے

فِي صُحُفٍ مُّكَرَّمَةٍ

یہ ایسے صحیفوں میں درج ہے جو مکرم ہیں

مَّرْفُوعَةٍ مُّطَهَّرَةٍ

بلند مرتبہ ہیں، پاکیزہ ہیں

بِأَيْدِي سَفَرَةٍ

معزز اور نیک کاتبوں کے

كِرَامٍ بَرَرَةٍ

ہاتھوں میں رہتے ہیں

قُتِلَ الْإِنسَانُ مَا أَكْفَرَهُ

لعنت ہو انسان پر، کیسا سخت منکر حق ہے یہ

مِنْ أَيِّ شَيْءٍ خَلَقَهُ

کس چیز سے اللہ نے اِسے پیدا کیا ہے؟

مِن نُّطْفَةٍ خَلَقَهُ فَقَدَّرَهُ

نطفہ کی ایک بوند سے اللہ نے اِسے پیدا کیا، پھر اِس کی تقدیر مقرر کی

ثُمَّ السَّبِيلَ يَسَّرَهُ

پھر اِس کے لیے زندگی کی راہ آسان کی

ثُمَّ أَمَاتَهُ فَأَقْبَرَهُ

پھر اِسے موت دی اور قبر میں پہنچایا

ثُمَّ إِذَا شَاءَ أَنشَرَهُ

پھر جب چاہے وہ اِسے دوبارہ اٹھا کھڑا کرے

كَلَّا لَمَّا يَقْضِ مَا أَمَرَهُ

ہرگز نہیں، اِس نے وہ فرض ادا نہیں کیا جس کا اللہ نے اِسے حکم دیا تھا

فَلْيَنظُرِ الْإِنسَانُ إِلَىٰ طَعَامِهِ

پھر ذرا انسان اپنی خوراک کو دیکھے

أَنَّا صَبَبْنَا الْمَاءَ صَبًّا

ہم نے خوب پانی لنڈھایا

ثُمَّ شَقَقْنَا الْأَرْضَ شَقًّا

پھر زمین کو عجیب طرح پھاڑا

فَأَنبَتْنَا فِيهَا حَبًّا

پھر اُس کے اندر اگائے غلے

وَعِنَبًا وَقَضْبًا

اور انگور اور ترکاریاں

وَزَيْتُونًا وَنَخْلًا

اور زیتون اور کھجوریں

وَحَدَائِقَ غُلْبًا

اور گھنے باغ

وَفَاكِهَةً وَأَبًّا

اور طرح طرح کے پھل، اور چارے

مَّتَاعًا لَّكُمْ وَلِأَنْعَامِكُمْ

تمہارے لیے اور تمہارے مویشیوں کے لیے سامان زیست کے طور پر

فَإِذَا جَاءَتِ الصَّاخَّةُ

آخرکار جب وہ کان بہرے کر دینے والی آواز بلند ہوگی

يَوْمَ يَفِرُّ الْمَرْءُ مِنْ أَخِيهِ

اُس روز آدمی اپنے بھائی

وَأُمِّهِ وَأَبِيهِ

اور اپنی ماں اور اپنے باپ

وَصَاحِبَتِهِ وَبَنِيهِ

اور اپنی بیوی اور اپنی اولاد سے بھاگے گا

لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ

ان میں سے ہر شخص پر اس دن ایسا وقت آ پڑے گا کہ اسے اپنے سوا کسی کا ہوش نہ ہوگا

وُجُوهٌ يَوْمَئِذٍ مُّسْفِرَةٌ

کچھ چہرے اُس روز دمک رہے ہوں گے

ضَاحِكَةٌ مُّسْتَبْشِرَةٌ

ہشاش بشاش اور خوش و خرم ہوں گے

وَوُجُوهٌ يَوْمَئِذٍ عَلَيْهَا غَبَرَةٌ

اور کچھ چہروں پر اس روز خاک اڑ رہی ہوگی

تَرْهَقُهَا قَتَرَةٌ

اور کلونس چھائی ہوئی ہوگی

أُولَـٰئِكَ هُمُ الْكَفَرَةُ الْفَجَرَةُ

یہی کافر و فاجر لوگ ہوں گے

إِذَا الشَّمْسُ كُوِّرَتْ

جب سورج لپیٹ دیا جائے گا

وَإِذَا النُّجُومُ انكَدَرَتْ

اور جب تارے بکھر جائیں گے

وَإِذَا الْجِبَالُ سُيِّرَتْ

اور جب پہاڑ چلائے جائیں گے

وَإِذَا الْعِشَارُ عُطِّلَتْ

اور جب دس مہینے کی حاملہ اونٹنیاں اپنے حال پر چھوڑ دی جائیں گی

وَإِذَا الْوُحُوشُ حُشِرَتْ

اور جب جنگلی جانور سمیٹ کر اکٹھے کر دیے جائیں گے

وَإِذَا الْبِحَارُ سُجِّرَتْ

اور جب سمندر بھڑکا دیے جائیں گے

وَإِذَا النُّفُوسُ زُوِّجَتْ

اور جب جانیں (جسموں سے) جوڑ دی جائیں گی

وَإِذَا الْمَوْءُودَةُ سُئِلَتْ

اور جب زندہ گاڑی ہوئی لڑکی سے پوچھا جائے گا

بِأَيِّ ذَنبٍ قُتِلَتْ

کہ وہ کس قصور میں ماری گئی؟

وَإِذَا الصُّحُفُ نُشِرَتْ

اور جب اعمال نامے کھولے جائیں گے

وَإِذَا السَّمَاءُ كُشِطَتْ

اور جب آسمان کا پردہ ہٹا دیا جائے گا

وَإِذَا الْجَحِيمُ سُعِّرَتْ

اور جب جہنم دہکائی جائے گی

وَإِذَا الْجَنَّةُ أُزْلِفَتْ

اور جب جنت قریب لے آئی جائے گی

عَلِمَتْ نَفْسٌ مَّا أَحْضَرَتْ

اُس وقت ہر شخص کو معلوم ہو جائے گا کہ وہ کیا لے کر آیا ہے

فَلَا أُقْسِمُ بِالْخُنَّسِ

پس نہیں، میں قسم کھاتا ہوں

الْجَوَارِ الْكُنَّسِ

پلٹنے اور چھپ جانے والے تاروں کی

وَاللَّيْلِ إِذَا عَسْعَسَ

اور رات کی جبکہ وہ رخصت ہوئی

وَالصُّبْحِ إِذَا تَنَفَّسَ

اور صبح کی جبکہ اس نے سانس لیا

إِنَّهُ لَقَوْلُ رَسُولٍ كَرِيمٍ

یہ فی الواقع ایک بزرگ پیغام بر کا قول ہے

ذِي قُوَّةٍ عِندَ ذِي الْعَرْشِ مَكِينٍ

جو بڑی توانائی رکھتا ہے، عرش والے کے ہاں بلند مرتبہ ہے

مُّطَاعٍ ثَمَّ أَمِينٍ

وہاں اُس کا حکم مانا جاتا ہے، وہ با اعتماد ہے

وَمَا صَاحِبُكُم بِمَجْنُونٍ

اور (اے اہل مکہ) تمہارا رفیق مجنون نہیں ہے

وَلَقَدْ رَآهُ بِالْأُفُقِ الْمُبِينِ

اُس نے اُس پیغام بر کو روشن افق پر دیکھا ہے

وَمَا هُوَ عَلَى الْغَيْبِ بِضَنِينٍ

اور وہ غیب (کے اِس علم کو لوگوں تک پہنچانے) کے معاملے میں بخیل نہیں ہے

وَمَا هُوَ بِقَوْلِ شَيْطَانٍ رَّجِيمٍ

اور یہ کسی شیطان مردود کا قول نہیں ہے

فَأَيْنَ تَذْهَبُونَ

پھر تم لوگ کدھر چلے جا رہے ہو؟

إِنْ هُوَ إِلَّا ذِكْرٌ لِّلْعَالَمِينَ

یہ تو سارے جہان والوں کے لیے ایک نصیحت ہے

لِمَن شَاءَ مِنكُمْ أَن يَسْتَقِيمَ

تم میں سے ہر اُس شخص کے لیے جو راہ راست پر چلنا چاہتا ہو

وَمَا تَشَاءُونَ إِلَّا أَن يَشَاءَ اللَّهُ رَبُّ الْعَالَمِينَ

اور تمہارے چاہنے سے کچھ نہیں ہوتا جب تک اللہ رب العالمین نہ چاہے

إِذَا السَّمَاءُ انفَطَرَتْ

جب آسمان پھٹ جائے گا

وَإِذَا الْكَوَاكِبُ انتَثَرَتْ

اور جب تارے بکھر جائیں گے

وَإِذَا الْبِحَارُ فُجِّرَتْ

اور جب سمندر پھاڑ دیے جائیں گے

وَإِذَا الْقُبُورُ بُعْثِرَتْ

اور جب قبریں کھول دی جائیں گی

عَلِمَتْ نَفْسٌ مَّا قَدَّمَتْ وَأَخَّرَتْ

اُس وقت ہر شخص کو اُس کا اگلا پچھلا سب کیا دھرا معلوم ہو جائے گا

يَا أَيُّهَا الْإِنسَانُ مَا غَرَّكَ بِرَبِّكَ الْكَرِيمِ

اے انسان، کس چیز نے تجھے اپنے اُس رب کریم کی طرف سے دھوکے میں ڈال دیا

الَّذِي خَلَقَكَ فَسَوَّاكَ فَعَدَلَكَ

جس نے تجھے پیدا کیا، تجھے نک سک سے درست کیا، تجھے متناسب بنایا

فِي أَيِّ صُورَةٍ مَّا شَاءَ رَكَّبَكَ

اور جس صورت میں چاہا تجھ کو جوڑ کر تیار کیا؟

كَلَّا بَلْ تُكَذِّبُونَ بِالدِّينِ

ہرگز نہیں، بلکہ (اصل بات یہ ہے کہ) تم لوگ جزا و سزا کو جھٹلاتے ہو

وَإِنَّ عَلَيْكُمْ لَحَافِظِينَ

حالانکہ تم پر نگراں مقرر ہیں

كِرَامًا كَاتِبِينَ

ایسے معزز کاتب

يَعْلَمُونَ مَا تَفْعَلُونَ

جو تمہارے ہر فعل کو جانتے ہیں

إِنَّ الْأَبْرَارَ لَفِي نَعِيمٍ

یقیناً نیک لوگ مزے میں ہوں گے

وَإِنَّ الْفُجَّارَ لَفِي جَحِيمٍ

اور بے شک بدکار لوگ جہنم میں جائیں گے

يَصْلَوْنَهَا يَوْمَ الدِّينِ

جزا کے دن وہ اس میں داخل ہوں گے

وَمَا هُمْ عَنْهَا بِغَائِبِينَ

اور اُس سے ہرگز غائب نہ ہو سکیں گے

وَمَا أَدْرَاكَ مَا يَوْمُ الدِّينِ

اور تم کیا جانتے ہو کہ وہ جزا کا دن کیا ہے؟

ثُمَّ مَا أَدْرَاكَ مَا يَوْمُ الدِّينِ

ہاں، تمہیں کیا خبر کہ وہ جزا کا دن کیا ہے؟

يَوْمَ لَا تَمْلِكُ نَفْسٌ لِّنَفْسٍ شَيْئًا ۖ وَالْأَمْرُ يَوْمَئِذٍ لِّلَّهِ

یہ وہ دن ہے جب کسی شخص کے لیے کچھ کرنا کسی کے بس میں نہ ہوگا، فیصلہ اُس دن بالکل اللہ کے اختیار میں ہوگا

وَيْلٌ لِّلْمُطَفِّفِينَ

تباہی ہے ڈنڈی مارنے والوں کے لیے

الَّذِينَ إِذَا اكْتَالُوا عَلَى النَّاسِ يَسْتَوْفُونَ

جن کا حال یہ ہے کہ جب لوگوں سے لیتے ہیں تو پورا پورا لیتے ہیں

وَإِذَا كَالُوهُمْ أَو وَّزَنُوهُمْ يُخْسِرُونَ

اور جب ان کو ناپ کر یا تول کر دیتے ہیں تو انہیں گھاٹا دیتے ہیں

أَلَا يَظُنُّ أُولَـٰئِكَ أَنَّهُم مَّبْعُوثُونَ

کیا یہ لوگ نہیں سمجھتے کہ ایک بڑے دن،

لِيَوْمٍ عَظِيمٍ

یہ اٹھا کر لائے جانے والے ہیں؟

يَوْمَ يَقُومُ النَّاسُ لِرَبِّ الْعَالَمِينَ

اُس دن جبکہ سب لوگ رب العالمین کے سامنے کھڑے ہوں گے

كَلَّا إِنَّ كِتَابَ الْفُجَّارِ لَفِي سِجِّينٍ

ہرگز نہیں، یقیناً بد کاروں کا نامہ اعمال قید خانے کے دفتر میں ہے

وَمَا أَدْرَاكَ مَا سِجِّينٌ

اور تمہیں کیا معلوم کہ وہ قید خانے کا دفتر کیا ہے؟

كِتَابٌ مَّرْقُومٌ

ایک کتاب ہے لکھی ہوئی

وَيْلٌ يَوْمَئِذٍ لِّلْمُكَذِّبِينَ

تباہی ہے اُس روز جھٹلانے والوں کے لیے

الَّذِينَ يُكَذِّبُونَ بِيَوْمِ الدِّينِ

جو روز جزا کو جھٹلاتے ہیں

وَمَا يُكَذِّبُ بِهِ إِلَّا كُلُّ مُعْتَدٍ أَثِيمٍ

اور اُسے نہیں جھٹلاتا مگر ہر وہ شخص جو حد سے گزر جانے والا بد عمل ہے

إِذَا تُتْلَىٰ عَلَيْهِ آيَاتُنَا قَالَ أَسَاطِيرُ الْأَوَّلِينَ

اُسے جب ہماری آیات سنائی جاتی ہیں تو کہتا ہے یہ تو اگلے وقتوں کی کہانیاں ہیں

كَلَّا ۖ بَلْ ۜ رَانَ عَلَىٰ قُلُوبِهِم مَّا كَانُوا يَكْسِبُونَ

ہرگز نہیں، بلکہ دراصل اِن لوگوں کے دلوں پر اِن کے برے اعمال کا زنگ چڑھ گیا ہے

كَلَّا إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ

ہرگز نہیں، بالیقین اُس روز یہ اپنے رب کی دید سے محروم رکھے جائیں گے

ثُمَّ إِنَّهُمْ لَصَالُو الْجَحِيمِ

پھر یہ جہنم میں جا پڑیں گے

ثُمَّ يُقَالُ هَـٰذَا الَّذِي كُنتُم بِهِ تُكَذِّبُونَ

پھر اِن سے کہا جائے گا کہ یہ وہی چیز ہے جسے تم جھٹلایا کرتے تھے

كَلَّا إِنَّ كِتَابَ الْأَبْرَارِ لَفِي عِلِّيِّينَ

ہرگز نہیں، بے شک نیک آدمیوں کا نامہ اعمال بلند پایہ لوگوں کے دفتر میں ہے

وَمَا أَدْرَاكَ مَا عِلِّيُّونَ

اور تمہیں کیا خبر کہ کیا ہے وہ بلند پایہ لوگوں کا دفتر؟

كِتَابٌ مَّرْقُومٌ

ایک لکھی ہوئی کتاب ہے

يَشْهَدُهُ الْمُقَرَّبُونَ

جس کی نگہداشت مقرب فرشتے کرتے ہیں

إِنَّ الْأَبْرَارَ لَفِي نَعِيمٍ

بے شک نیک لوگ بڑے مزے میں ہوں گے

عَلَى الْأَرَائِكِ يَنظُرُونَ

اونچی مسندوں پر بیٹھے نظارے کر رہے ہوں گے

تَعْرِفُ فِي وُجُوهِهِمْ نَضْرَةَ النَّعِيمِ

ان کے چہروں پر تم خوشحالی کی رونق محسوس کرو گے

يُسْقَوْنَ مِن رَّحِيقٍ مَّخْتُومٍ

ان کو نفیس ترین سر بند شراب پلائی جائے گی جس پر مشک کی مہر لگی ہوگی

خِتَامُهُ مِسْكٌ ۚ وَفِي ذَٰلِكَ فَلْيَتَنَافَسِ الْمُتَنَافِسُونَ

جو لوگ دوسروں پر بازی لے جانا چاہتے ہوں وہ اِس چیز کو حاصل کرنے میں بازی لے جانے کی کوشش کریں

وَمِزَاجُهُ مِن تَسْنِيمٍ

اُس شراب میں تسنیم کی آمیزش ہوگی

عَيْنًا يَشْرَبُ بِهَا الْمُقَرَّبُونَ

یہ ایک چشمہ ہے جس کے پانی کے ساتھ مقرب لوگ شراب پئیں گے

إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ

مجرم لوگ دنیا میں ایمان لانے والوں کا مذاق اڑاتے تھے

وَإِذَا مَرُّوا بِهِمْ يَتَغَامَزُونَ

جب اُن کے پاس سے گزرتے تو آنکھیں مار مار کر اُن کی طرف اشارے کرتے تھے

وَإِذَا انقَلَبُوا إِلَىٰ أَهْلِهِمُ انقَلَبُوا فَكِهِينَ

اپنے گھروں کی طرف پلٹتے تو مزے لیتے ہوئے پلٹتے تھے

وَإِذَا رَأَوْهُمْ قَالُوا إِنَّ هَـٰؤُلَاءِ لَضَالُّونَ

اور جب انہیں دیکھتے تو کہتے تھے کہ یہ بہکے ہوئے لوگ ہیں

وَمَا أُرْسِلُوا عَلَيْهِمْ حَافِظِينَ

حالانکہ وہ اُن پر نگراں بنا کر نہیں بھیجے گئے تھے

فَالْيَوْمَ الَّذِينَ آمَنُوا مِنَ الْكُفَّارِ يَضْحَكُونَ

آج ایمان لانے والے کفار پر ہنس رہے ہیں

عَلَى الْأَرَائِكِ يَنظُرُونَ

مسندوں پر بیٹھے ہوئے ان کا حال دیکھ رہے ہیں

هَلْ ثُوِّبَ الْكُفَّارُ مَا كَانُوا يَفْعَلُونَ

مل گیا نا کافروں کو اُن حرکتوں کا ثواب جو وہ کیا کرتے تھے

إِذَا السَّمَاءُ انشَقَّتْ

جب آسمان پھٹ جائے گا

وَأَذِنَتْ لِرَبِّهَا وَحُقَّتْ

اور اپنے رب کے فرمان کی تعمیل کرے گا اور اُس کے لیے حق یہی ہے (کہ اپنے رب کا حکم مانے)

وَإِذَا الْأَرْضُ مُدَّتْ

اور جب زمین پھیلا دی جائے گی

وَأَلْقَتْ مَا فِيهَا وَتَخَلَّتْ

اور جو کچھ اس کے اندر ہے اُسے باہر پھینک کر خالی ہو جائے گی

وَأَذِنَتْ لِرَبِّهَا وَحُقَّتْ

اور اپنے رب کے حکم کی تعمیل کرے گی اور اُس کے لیے حق یہی ہے (کہ اس کی تعمیل کرے)

يَا أَيُّهَا الْإِنسَانُ إِنَّكَ كَادِحٌ إِلَىٰ رَبِّكَ كَدْحًا فَمُلَاقِيهِ

اے انسان، تو کشاں کشاں اپنے رب کی طرف چلا جا رہا ہے، اور اُس سے ملنے والا ہے

فَأَمَّا مَنْ أُوتِيَ كِتَابَهُ بِيَمِينِهِ

پھر جس کا نامہ اعمال اُس کے سیدھے ہاتھ میں دیا گیا

فَسَوْفَ يُحَاسَبُ حِسَابًا يَسِيرًا

اُس سے ہلکا حساب لیا جائے گا

وَيَنقَلِبُ إِلَىٰ أَهْلِهِ مَسْرُورًا

اور وہ اپنے لوگوں کی طرف خوش خوش پلٹے گا

وَأَمَّا مَنْ أُوتِيَ كِتَابَهُ وَرَاءَ ظَهْرِهِ

رہا وہ شخص جس کا نامہ اعمال اُس کی پیٹھ کے پیچھے دیا جائے گا

فَسَوْفَ يَدْعُو ثُبُورًا

تو وہ موت کو پکارے گا

وَيَصْلَىٰ سَعِيرًا

اور بھڑکتی ہوئی آگ میں جا پڑے گا

إِنَّهُ كَانَ فِي أَهْلِهِ مَسْرُورًا

وہ اپنے گھر والوں میں مگن تھا

إِنَّهُ ظَنَّ أَن لَّن يَحُورَ

اُس نے سمجھا تھا کہ اسے کبھی پلٹنا نہیں ہے

بَلَىٰ إِنَّ رَبَّهُ كَانَ بِهِ بَصِيرًا

پلٹنا کیسے نہ تھا، اُس کا رب اُس کے کرتوت دیکھ رہا تھا

فَلَا أُقْسِمُ بِالشَّفَقِ

پس نہیں، میں قسم کھاتا ہوں شفق کی

وَاللَّيْلِ وَمَا وَسَقَ

اور رات کی اور جو کچھ وہ سمیٹ لیتی ہے

وَالْقَمَرِ إِذَا اتَّسَقَ

اور چاند کی جب کہ وہ ماہ کامل ہو جاتا ہے

لَتَرْكَبُنَّ طَبَقًا عَن طَبَقٍ

تم کو ضرور درجہ بدرجہ ایک حالت سے دوسری حالت کی طرف گزرتے چلے جانا ہے

فَمَا لَهُمْ لَا يُؤْمِنُونَ

پھر اِن لوگوں کو کیا ہو گیا ہے کہ یہ ایمان نہیں لاتے

وَإِذَا قُرِئَ عَلَيْهِمُ الْقُرْآنُ لَا يَسْجُدُونَ ۩

اور جب قرآن اِن کے سامنے پڑھا جاتا ہے تو سجدہ نہیں کرتے؟

بَلِ الَّذِينَ كَفَرُوا يُكَذِّبُونَ

بلکہ یہ منکرین تو الٹا جھٹلاتے ہیں

وَاللَّهُ أَعْلَمُ بِمَا يُوعُونَ

حالانکہ جو کچھ یہ (اپنے نامہ اعمال میں) جمع کر رہے ہیں اللہ اُسے خوب جانتا ہے

فَبَشِّرْهُم بِعَذَابٍ أَلِيمٍ

لہٰذا اِن کو دردناک عذاب کی بشارت دے دو

إِلَّا الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ

البتہ جو لوگ ایمان لے آئے ہیں اور جنہوں نے نیک عمل کیے ہیں ان کے لیے کبھی ختم نہ ہونے والا اجر ہے

وَالسَّمَاءِ ذَاتِ الْبُرُوجِ

قسم ہے مضبوط قلعوں والے آسمان کی

وَالْيَوْمِ الْمَوْعُودِ

اور اُس دن کی جس کا وعدہ کیا گیا ہے

وَشَاهِدٍ وَمَشْهُودٍ

اور دیکھنے والے کی اور دیکھی جانے والی چیز کی

قُتِلَ أَصْحَابُ الْأُخْدُودِ

کہ مارے گئے گڑھے والے

النَّارِ ذَاتِ الْوَقُودِ

(اُس گڑھے والے) جس میں خوب بھڑکتے ہوئے ایندھن کی آگ تھی

إِذْ هُمْ عَلَيْهَا قُعُودٌ

جبکہ وہ اُس گڑھے کے کنارے بیٹھے ہوئے تھے

وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ

اور جو کچھ وہ ایمان لانے والوں کے ساتھ کر رہے تھے اُسے دیکھ رہے تھے

وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِ الْحَمِيدِ

اور اُن اہل ایمان سے اُن کی دشمنی اِس کے سوا کسی وجہ سے نہ تھی کہ وہ اُس خدا پر ایمان لے آئے تھے جو زبردست اور اپنی ذات میں آپ محمود ہے

الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ

جو آسمانوں اور زمین کی سلطنت کا مالک ہے، اور وہ خدا سب کچھ دیکھ رہا ہے

إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ

جن لوگوں نے مومن مردوں اور عورتوں پر ظلم و ستم توڑا اور پھر اس سے تائب نہ ہوئے، یقیناً اُن کے لیے جہنم کا عذاب ہے اور ان کے لیے جلائے جانے کی سزا ہے

إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِن تَحْتِهَا الْأَنْهَارُ ۚ ذَٰلِكَ الْفَوْزُ الْكَبِيرُ

جو لوگ ایمان لائے اور جنہوں نے نیک عمل کیے، یقیناً اُن کے لیے جنت کے باغ ہیں جن کے نیچے نہریں بہتی ہوں گی، یہ ہے بڑی کامیابی

إِنَّ بَطْشَ رَبِّكَ لَشَدِيدٌ

درحقیقت تمہارے رب کی پکڑ بڑی سخت ہے

إِنَّهُ هُوَ يُبْدِئُ وَيُعِيدُ

وہی پہلی بار پیدا کرتا ہے اور وہی دوبارہ پیدا کرے گا

وَهُوَ الْغَفُورُ الْوَدُودُ

اور وہ بخشنے والا ہے، محبت کرنے والا ہے

ذُو الْعَرْشِ الْمَجِيدُ

عرش کا مالک ہے، بزرگ و برتر ہے

فَعَّالٌ لِّمَا يُرِيدُ

اور جو کچھ چاہے کر ڈالنے والا ہے

هَلْ أَتَاكَ حَدِيثُ الْجُنُودِ

کیا تمہیں لشکروں کی خبر پہنچی ہے؟

فِرْعَوْنَ وَثَمُودَ

فرعون اور ثمود (کے لشکروں) کی؟

بَلِ الَّذِينَ كَفَرُوا فِي تَكْذِيبٍ

مگر جنہوں نے کفر کیا ہے وہ جھٹلانے میں لگے ہوئے ہیں

وَاللَّهُ مِن وَرَائِهِم مُّحِيطٌ

حالانکہ اللہ نے ان کو گھیرے میں لے رکھا ہے

بَلْ هُوَ قُرْآنٌ مَّجِيدٌ

(اُن کے جھٹلانے سے اِس قرآن کا کچھ نہیں بگڑتا) بلکہ یہ قرآن بلند پایہ ہے

فِي لَوْحٍ مَّحْفُوظٍ

اُس لوح میں (نقش ہے) جو محفوظ ہے

وَالسَّمَاءِ وَالطَّارِقِ

قسم ہے آسمان کی اور رات کو نمودار ہونے والے کی

وَمَا أَدْرَاكَ مَا الطَّارِقُ

اور تم کیا جانو کہ وہ رات کو نمودار ہونے والا کیا ہے؟

النَّجْمُ الثَّاقِبُ

چمکتا ہوا تارا

إِن كُلُّ نَفْسٍ لَّمَّا عَلَيْهَا حَافِظٌ

کوئی جان ایسی نہیں ہے جس کے اوپر کوئی نگہبان نہ ہو

فَلْيَنظُرِ الْإِنسَانُ مِمَّ خُلِقَ

پھر ذرا انسان یہی دیکھ لے کہ وہ کس چیز سے پیدا کیا گیا ہے

خُلِقَ مِن مَّاءٍ دَافِقٍ

ایک اچھلنے والے پانی سے پیدا کیا گیا ہے

يَخْرُجُ مِن بَيْنِ الصُّلْبِ وَالتَّرَائِبِ

جو پیٹھ اور سینے کی ہڈیوں کے درمیان سے نکلتا ہے

إِنَّهُ عَلَىٰ رَجْعِهِ لَقَادِرٌ

یقیناً وہ (خالق) اُسے دوبارہ پیدا کرنے پر قادر ہے

يَوْمَ تُبْلَى السَّرَائِرُ

جس روز پوشیدہ اسرار کی جانچ پڑتال ہوگی

فَمَا لَهُ مِن قُوَّةٍ وَلَا نَاصِرٍ

اُس وقت انسان کے پاس نہ خود اپنا کوئی زور ہوگا اور نہ کوئی اس کی مدد کرنے والا ہوگا

وَالسَّمَاءِ ذَاتِ الرَّجْعِ

قسم ہے بارش برسانے والے آسمان کی

وَالْأَرْضِ ذَاتِ الصَّدْعِ

اور (نباتات اگتے وقت) پھٹ جانے والی زمین کی

إِنَّهُ لَقَوْلٌ فَصْلٌ

یہ ایک جچی تلی بات ہے

وَمَا هُوَ بِالْهَزْلِ

ہنسی مذاق نہیں ہے

إِنَّهُمْ يَكِيدُونَ كَيْدًا

یہ لوگ چالیں چل رہے ہیں

وَأَكِيدُ كَيْدًا

اور میں بھی ایک چال چل رہا ہوں

فَمَهِّلِ الْكَافِرِينَ أَمْهِلْهُمْ رُوَيْدًا

پس چھوڑ دو اے نبیؐ، اِن کافروں کو اک ذرا کی ذرا اِن کے حال پر چھوڑ دو

سَبِّحِ اسْمَ رَبِّكَ الْأَعْلَى

(اے نبیؐ) اپنے رب برتر کے نام کی تسبیح کرو

الَّذِي خَلَقَ فَسَوَّىٰ

جس نے پیدا کیا اور تناسب قائم کیا

وَالَّذِي قَدَّرَ فَهَدَىٰ

جس نے تقدیر بنائی پھر راہ دکھائی

وَالَّذِي أَخْرَجَ الْمَرْعَىٰ

جس نے نباتات اگائیں

فَجَعَلَهُ غُثَاءً أَحْوَىٰ

پھر اُن کو سیاہ کوڑا کرکٹ بنا دیا

سَنُقْرِئُكَ فَلَا تَنسَىٰ

ہم تمہیں پڑھوا دیں گے، پھر تم نہیں بھولو گے

إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ

سوائے اُس کے جو اللہ چاہے، وہ ظاہر کو بھی جانتا ہے اور جو کچھ پوشیدہ ہے اُس کو بھی

وَنُيَسِّرُكَ لِلْيُسْرَىٰ

اور ہم تمہیں آسان طریقے کی سہولت دیتے ہیں

فَذَكِّرْ إِن نَّفَعَتِ الذِّكْرَىٰ

لہٰذا تم نصیحت کرو اگر نصیحت نافع ہو

سَيَذَّكَّرُ مَن يَخْشَىٰ

جو شخص ڈرتا ہے وہ نصیحت قبول کر لے گا

وَيَتَجَنَّبُهَا الْأَشْقَى

اور اس سے گریز کریگا وہ انتہائی بد بخت

الَّذِي يَصْلَى النَّارَ الْكُبْرَىٰ

جو بڑی آگ میں جائے گا

ثُمَّ لَا يَمُوتُ فِيهَا وَلَا يَحْيَىٰ

پھر نہ اس میں مرے گا نہ جیے گا

قَدْ أَفْلَحَ مَن تَزَكَّىٰ

فلاح پا گیا وہ جس نے پاکیزگی اختیار کی

وَذَكَرَ اسْمَ رَبِّهِ فَصَلَّىٰ

اور اپنے رب کا نام یاد کیا پھر نماز پڑھی

بَلْ تُؤْثِرُونَ الْحَيَاةَ الدُّنْيَا

مگر تم لوگ دنیا کی زندگی کو ترجیح دیتے ہو

وَالْآخِرَةُ خَيْرٌ وَأَبْقَىٰ

حالانکہ آخرت بہتر ہے اور باقی رہنے والی ہے

إِنَّ هَـٰذَا لَفِي الصُّحُفِ الْأُولَىٰ

یہی بات پہلے آئے ہوئے صحیفوں میں بھی کہی گئی تھی

صُحُفِ إِبْرَاهِيمَ وَمُوسَىٰ

ابراہیمؑ اور موسیٰؑ کے صحیفوں میں

هَلْ أَتَاكَ حَدِيثُ الْغَاشِيَةِ

کیا تمہیں اُس چھا جانے والی آفت کی خبر پہنچی ہے؟

وُجُوهٌ يَوْمَئِذٍ خَاشِعَةٌ

کچھ چہرے اُس روز خوف زدہ ہونگے

عَامِلَةٌ نَّاصِبَةٌ

سخت مشقت کر رہے ہونگے

تَصْلَىٰ نَارًا حَامِيَةً

تھکے جاتے ہونگے، شدید آگ میں جھلس رہے ہونگے

تُسْقَىٰ مِنْ عَيْنٍ آنِيَةٍ

کھولتے ہوئے چشمے کا پانی انہیں پینے کو دیا جائے گا

لَّيْسَ لَهُمْ طَعَامٌ إِلَّا مِن ضَرِيعٍ

خار دار سوکھی گھاس کے سوا کوئی کھانا اُن کے لیے نہ ہوگا

لَّا يُسْمِنُ وَلَا يُغْنِي مِن جُوعٍ

جو نہ موٹا کرے نہ بھوک مٹائے

وُجُوهٌ يَوْمَئِذٍ نَّاعِمَةٌ

کچھ چہرے اُس روز با رونق ہوں گے

لِّسَعْيِهَا رَاضِيَةٌ

اپنی کار گزاری پر خوش ہونگے

فِي جَنَّةٍ عَالِيَةٍ

عالی مقام جنت میں ہوں گے

لَّا تَسْمَعُ فِيهَا لَاغِيَةً

کوئی بیہودہ بات وہاں نہ سنیں گے

فِيهَا عَيْنٌ جَارِيَةٌ

اُس میں چشمے رواں ہونگے

فِيهَا سُرُرٌ مَّرْفُوعَةٌ

اُس کے اندر اونچی مسندیں ہوں گی

وَأَكْوَابٌ مَّوْضُوعَةٌ

ساغر رکھے ہوئے ہوں گے

وَنَمَارِقُ مَصْفُوفَةٌ

گاؤ تکیوں کی قطاریں لگی ہوں گی

وَزَرَابِيُّ مَبْثُوثَةٌ

اور نفیس فرش بچھے ہوئے ہوں گے

أَفَلَا يَنظُرُونَ إِلَى الْإِبِلِ كَيْفَ خُلِقَتْ

(یہ لوگ نہیں مانتے) تو کیا یہ اونٹوں کو نہیں دیکھتے کہ کیسے بنائے گئے؟

وَإِلَى السَّمَاءِ كَيْفَ رُفِعَتْ

آسمان کو نہیں دیکھتے کہ کیسے اٹھایا گیا؟

وَإِلَى الْجِبَالِ كَيْفَ نُصِبَتْ

پہاڑوں کو نہیں دیکھتے کہ کیسے جمائے گئے؟

وَإِلَى الْأَرْضِ كَيْفَ سُطِحَتْ

اور زمین کو نہیں دیکھتے کہ کیسے بچھائی گئی؟

فَذَكِّرْ إِنَّمَا أَنتَ مُذَكِّرٌ

اچھا تو (اے نبیؐ) نصیحت کیے جاؤ، تم بس نصیحت ہی کرنے والے ہو

لَّسْتَ عَلَيْهِم بِمُصَيْطِرٍ

کچھ ان پر جبر کرنے والے نہیں ہو

إِلَّا مَن تَوَلَّىٰ وَكَفَرَ

البتہ جو شخص منہ موڑے گا اور انکار کرے گا

فَيُعَذِّبُهُ اللَّهُ الْعَذَابَ الْأَكْبَرَ

تو اللہ اس کو بھاری سزا دے گا

إِنَّ إِلَيْنَا إِيَابَهُمْ

اِن لوگوں کو پلٹنا ہماری طرف ہی ہے

ثُمَّ إِنَّ عَلَيْنَا حِسَابَهُم

پھر اِن کا حساب لینا ہمارے ہی ذمہ ہے

وَالْفَجْرِ

قسم ہے فجر کی

وَلَيَالٍ عَشْرٍ

اور دس راتوں کی

وَالشَّفْعِ وَالْوَتْرِ

اور جفت اور طاق کی

وَاللَّيْلِ إِذَا يَسْرِ

اور رات کی جبکہ وہ رخصت ہو رہی ہو

هَلْ فِي ذَٰلِكَ قَسَمٌ لِّذِي حِجْرٍ

کیا اِس میں کسی صاحب عقل کے لیے کوئی قسم ہے؟

أَلَمْ تَرَ كَيْفَ فَعَلَ رَبُّكَ بِعَادٍ

تم نے دیکھا نہیں کہ تمہارے رب نے کیا برتاؤ کیا

إِرَمَ ذَاتِ الْعِمَادِ

اونچے ستونوں والے عاد ارم کے ساتھ

الَّتِي لَمْ يُخْلَقْ مِثْلُهَا فِي الْبِلَادِ

جن کے مانند کوئی قوم دنیا کے ملکوں میں پیدا نہیں کی گئی تھی؟

وَثَمُودَ الَّذِينَ جَابُوا الصَّخْرَ بِالْوَادِ

اور ثمود کے ساتھ جنہوں نے وادی میں چٹانیں تراشی تھیں؟

وَفِرْعَوْنَ ذِي الْأَوْتَادِ

اور میخوں والے فرعون کے ساتھ؟

الَّذِينَ طَغَوْا فِي الْبِلَادِ

یہ وہ لوگ تھے جنہوں نے دنیا کے ملکوں میں بڑی سرکشی کی تھی

فَأَكْثَرُوا فِيهَا الْفَسَادَ

اور ان میں بہت فساد پھیلایا تھا

فَصَبَّ عَلَيْهِمْ رَبُّكَ سَوْطَ عَذَابٍ

آخرکار تمہارے رب نے ان پر عذاب کا کوڑا برسا دیا

إِنَّ رَبَّكَ لَبِالْمِرْصَادِ

حقیقت یہ ہے کہ تمہارا رب گھات لگائے ہوئے ہے

فَأَمَّا الْإِنسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ

مگر انسان کا حال یہ ہے کہ اس کا رب جب اُس کو آزمائش میں ڈالتا ہے اور اُسے عزت اور نعمت دیتا ہے تو وہ کہتا ہے کہ میرے رب نے مجھے عزت دار بنا دیا

وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ

اور جب وہ اُس کو آزمائش میں ڈالتا ہے اور اُس کا رزق اُس پر تنگ کر دیتا ہے تو وہ کہتا ہے کہ میرے رب نے مجھے ذلیل کر دیا

كَلَّا ۖ بَل لَّا تُكْرِمُونَ الْيَتِيمَ

ہرگز نہیں، بلکہ تم یتیم سے عزت کا سلوک نہیں کرتے

وَلَا تَحَاضُّونَ عَلَىٰ طَعَامِ الْمِسْكِينِ

اور مسکین کو کھانا کھلانے پر ایک دوسرے کو نہیں اکساتے

وَتَأْكُلُونَ التُّرَاثَ أَكْلًا لَّمًّا

اور میراث کا سارا مال سمیٹ کر کھا جاتے ہو

وَتُحِبُّونَ الْمَالَ حُبًّا جَمًّا

اور مال کی محبت میں بری طرح گرفتار ہو

كَلَّا إِذَا دُكَّتِ الْأَرْضُ دَكًّا دَكًّا

ہرگز نہیں، جب زمین پے در پے کوٹ کوٹ کر ریگ زار بنا دی جائے گی

وَجَاءَ رَبُّكَ وَالْمَلَكُ صَفًّا صَفًّا

اور تمہارا رب جلوہ فرما ہوگا اِس حال میں کہ فرشتے صف در صف کھڑے ہوں گے

وَجِيءَ يَوْمَئِذٍ بِجَهَنَّمَ ۚ يَوْمَئِذٍ يَتَذَكَّرُ الْإِنسَانُ وَأَنَّىٰ لَهُ الذِّكْرَىٰ

اور جہنم اُس روز سامنے لے آئی جائے گی، اُس دن انسان کو سمجھ آئے گی اور اس وقت اُس کے سمجھنے کا کیا حاصل؟

يَقُولُ يَا لَيْتَنِي قَدَّمْتُ لِحَيَاتِي

وہ کہے گا کہ کاش میں نے اپنی اِس زندگی کے لیے کچھ پیشگی سامان کیا ہوتا!

فَيَوْمَئِذٍ لَّا يُعَذِّبُ عَذَابَهُ أَحَدٌ

پھر اُس دن اللہ جو عذاب دے گا ویسا عذاب دینے والا کوئی نہیں

وَلَا يُوثِقُ وَثَاقَهُ أَحَدٌ

اور اللہ جیسا باندھے گا ویسا باندھنے والا کوئی نہیں

يَا أَيَّتُهَا النَّفْسُ الْمُطْمَئِنَّةُ

(دوسری طرف ارشاد ہوگا) اے نفس مطمئن!

ارْجِعِي إِلَىٰ رَبِّكِ رَاضِيَةً مَّرْضِيَّةً

چل اپنے رب کی طرف، اِس حال میں کہ تو (اپنے انجام نیک سے) خوش (اور اپنے رب کے نزدیک) پسندیدہ ہے

فَادْخُلِي فِي عِبَادِي

شامل ہو جا میرے (نیک) بندوں میں

وَادْخُلِي جَنَّتِي

اور داخل ہو جا میری جنت میں

لَا أُقْسِمُ بِهَـٰذَا الْبَلَدِ

نہیں، میں قسم کھاتا ہوں اِس شہر کی

وَأَنتَ حِلٌّ بِهَـٰذَا الْبَلَدِ

اور حال یہ ہے کہ (اے نبیؐ) اِس شہر میں تم کو حلال کر لیا گیا ہے

وَوَالِدٍ وَمَا وَلَدَ

اور قسم کھاتا ہوں باپ کی اور اس اولاد کی جو اس سے پیدا ہوئی

لَقَدْ خَلَقْنَا الْإِنسَانَ فِي كَبَدٍ

درحقیقت ہم نے انسان کو مشقت میں پیدا کیا ہے

أَيَحْسَبُ أَن لَّن يَقْدِرَ عَلَيْهِ أَحَدٌ

کیا اُس نے یہ سمجھ رکھا ہے کہ اُس پر کوئی قابو نہ پا سکے گا؟

يَقُولُ أَهْلَكْتُ مَالًا لُّبَدًا

کہتا ہے کہ میں نے ڈھیروں مال اڑا دیا

أَيَحْسَبُ أَن لَّمْ يَرَهُ أَحَدٌ

کیا وہ سمجھتا ہے کہ کسی نے اُس کو نہیں دیکھا؟

أَلَمْ نَجْعَل لَّهُ عَيْنَيْنِ

کیا ہم نے اُسے دو آنکھیں

وَلِسَانًا وَشَفَتَيْنِ

اور ایک زبان اور دو ہونٹ نہیں دیے؟

وَهَدَيْنَاهُ النَّجْدَيْنِ

اور دونوں نمایاں راستے اُسے (نہیں) دکھا دیے؟

فَلَا اقْتَحَمَ الْعَقَبَةَ

مگر اس نے دشوار گزار گھاٹی سے گزرنے کی ہمت نہ کی

وَمَا أَدْرَاكَ مَا الْعَقَبَةُ

اور تم کیا جانو کہ کیا ہے وہ دشوار گزار گھاٹی؟

فَكُّ رَقَبَةٍ

کسی گردن کو غلامی سے چھڑانا

أَوْ إِطْعَامٌ فِي يَوْمٍ ذِي مَسْغَبَةٍ

یا فاقے کے دن

يَتِيمًا ذَا مَقْرَبَةٍ

کسی قریبی یتیم

أَوْ مِسْكِينًا ذَا مَتْرَبَةٍ

یا خاک نشین مسکین کو کھانا کھلانا

ثُمَّ كَانَ مِنَ الَّذِينَ آمَنُوا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ

پھر (اس کے ساتھ یہ کہ) آدمی اُن لوگوں میں شامل ہو جو ایمان لائے اور جنہوں نے ایک دوسرے کو صبر اور (خلق خدا پر) رحم کی تلقین کی

أُولَـٰئِكَ أَصْحَابُ الْمَيْمَنَةِ

یہ لوگ ہیں دائیں بازو والے

وَالَّذِينَ كَفَرُوا بِآيَاتِنَا هُمْ أَصْحَابُ الْمَشْأَمَةِ

اور جنہوں نے ہماری آیات کو ماننے سے انکار کیا وہ بائیں بازو والے ہیں

عَلَيْهِمْ نَارٌ مُّؤْصَدَةٌ

ان پر آگ چھائی ہوئی ہوگی

وَالشَّمْسِ وَضُحَاهَا

سورج اور اُس کی دھوپ کی قسم

وَالْقَمَرِ إِذَا تَلَاهَا

اور چاند کی قسم جبکہ وہ اُس کے پیچھے آتا ہے

وَالنَّهَارِ إِذَا جَلَّاهَا

اور دن کی قسم جبکہ وہ (سورج کو) نمایاں کر دیتا ہے

وَاللَّيْلِ إِذَا يَغْشَاهَا

اور رات کی قسم جبکہ وہ (سورج کو) ڈھانک لیتی ہے

وَالسَّمَاءِ وَمَا بَنَاهَا

اور آسمان کی اور اُس ذات کی قسم جس نے اُسے قائم کیا

وَالْأَرْضِ وَمَا طَحَاهَا

اور زمین کی اور اُس ذات کی قسم جس نے اُسے بچھایا

وَنَفْسٍ وَمَا سَوَّاهَا

اور نفس انسانی کی اور اُس ذات کی قسم جس نے اُسے ہموار کیا

فَأَلْهَمَهَا فُجُورَهَا وَتَقْوَاهَا

پھر اُس کی بدی اور اُس کی پرہیز گاری اس پر الہام کر دی

قَدْ أَفْلَحَ مَن زَكَّاهَا

یقیناً فلاح پا گیا وہ جس نے نفس کا تزکیہ کیا

وَقَدْ خَابَ مَن دَسَّاهَا

اور نامراد ہوا وہ جس نے اُس کو دبا دیا

كَذَّبَتْ ثَمُودُ بِطَغْوَاهَا

ثمود نے اپنی سرکشی کی بنا پر جھٹلایا

إِذِ انبَعَثَ أَشْقَاهَا

جب اُس قوم کا سب سے زیادہ شقی آدمی بپھر کر اٹھا

فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا

تو اللہ کے رسول نے اُن لوگوں سے کہا کہ خبردار، اللہ کی اونٹنی کو (ہاتھ نہ لگانا) اوراُس کے پانی پینے (میں مانع نہ ہونا)

فَكَذَّبُوهُ فَعَقَرُوهَا فَدَمْدَمَ عَلَيْهِمْ رَبُّهُم بِذَنبِهِمْ فَسَوَّاهَا

مگر انہوں نے اُس کی بات کو جھوٹا قرار دیا اور اونٹنی کو مار ڈالا آخرکار اُن کے گناہ کی پاداش میں ان کے رب نے ان پر ایسی آفت توڑی کہ ایک ساتھ سب کو پیوند خاک کر دیا

وَلَا يَخَافُ عُقْبَاهَا

اور اسے (اپنے ا س فعل کے) کسی برے نتیجے کا کوئی خوف نہیں ہے

وَاللَّيْلِ إِذَا يَغْشَىٰ

قسم ہے رات کی جبکہ وہ چھا جائے

وَالنَّهَارِ إِذَا تَجَلَّىٰ

اور دن کی جبکہ وہ روشن ہو

وَمَا خَلَقَ الذَّكَرَ وَالْأُنثَىٰ

اور اُس ذات کی جس نے نر اور مادہ کو پیدا کیا

إِنَّ سَعْيَكُمْ لَشَتَّىٰ

درحقیقت تم لوگوں کی کوششیں مختلف قسم کی ہیں

فَأَمَّا مَنْ أَعْطَىٰ وَاتَّقَىٰ

تو جس نے (راہ خدا میں) مال دیا اور (خدا کی نافرمانی سے) پرہیز کیا

وَصَدَّقَ بِالْحُسْنَىٰ

اور بھلائی کو سچ مانا

فَسَنُيَسِّرُهُ لِلْيُسْرَىٰ

اس کو ہم آسان راستے کے لیے سہولت دیں گے

وَأَمَّا مَن بَخِلَ وَاسْتَغْنَىٰ

اور جس نے بخل کیا اور (اپنے خدا سے) بے نیازی برتی

وَكَذَّبَ بِالْحُسْنَىٰ

اور بھلائی کو جھٹلایا

فَسَنُيَسِّرُهُ لِلْعُسْرَىٰ

اس کو ہم سخت راستے کے لیے سہولت دیں گے

وَمَا يُغْنِي عَنْهُ مَالُهُ إِذَا تَرَدَّىٰ

اور اُس کا مال آخر اُس کے کس کام آئے گا جبکہ وہ ہلاک ہو جائے؟

إِنَّ عَلَيْنَا لَلْهُدَىٰ

بے شک راستہ بتانا ہمارے ذمہ ہے

وَإِنَّ لَنَا لَلْآخِرَةَ وَالْأُولَىٰ

اور درحقیقت آخرت اور دنیا، دونوں کے ہم ہی مالک ہیں

فَأَنذَرْتُكُمْ نَارًا تَلَظَّىٰ

پس میں نے تم کو خبردار کر دیا ہے بھڑکتی ہوئی آگ سے

لَا يَصْلَاهَا إِلَّا الْأَشْقَى

اُس میں نہیں جھلسے گا مگر وہ انتہائی بد بخت

الَّذِي كَذَّبَ وَتَوَلَّىٰ

جس نے جھٹلایا اور منہ پھیرا

وَسَيُجَنَّبُهَا الْأَتْقَى

اور اُس سے دور رکھا جائیگا وہ نہایت پرہیزگار

الَّذِي يُؤْتِي مَالَهُ يَتَزَكَّىٰ

جو پاکیزہ ہونے کی خاطر اپنا مال دیتا ہے

وَمَا لِأَحَدٍ عِندَهُ مِن نِّعْمَةٍ تُجْزَىٰ

اُس پر کسی کا کوئی احسان نہیں ہے جس کا بدلہ اُسے دینا ہو

إِلَّا ابْتِغَاءَ وَجْهِ رَبِّهِ الْأَعْلَىٰ

وہ تو صرف اپنے رب برتر کی رضا جوئی کے لیے یہ کام کرتا ہے

وَلَسَوْفَ يَرْضَىٰ

اور ضرور وہ (اُس سے) خوش ہوگا

وَالضُّحَىٰ

قسم ہے روز روشن کی

وَاللَّيْلِ إِذَا سَجَىٰ

اور رات کی جبکہ وہ سکون کے ساتھ طاری ہو جائے

مَا وَدَّعَكَ رَبُّكَ وَمَا قَلَىٰ

(اے نبیؐ) تمہارے رب نے تم کو ہرگز نہیں چھوڑا اور نہ وہ ناراض ہوا

وَلَلْآخِرَةُ خَيْرٌ لَّكَ مِنَ الْأُولَىٰ

اور یقیناً تمہارے لیے بعد کا دور پہلے دور سے بہتر ہے

وَلَسَوْفَ يُعْطِيكَ رَبُّكَ فَتَرْضَىٰ

اور عنقریب تمہارا رب تم کو اتنا دے گا کہ تم خوش ہو جاؤ گے

أَلَمْ يَجِدْكَ يَتِيمًا فَآوَىٰ

کیا اس نے تم کو یتیم نہیں پایا اور پھر ٹھکانا فراہم کیا؟

وَوَجَدَكَ ضَالًّا فَهَدَىٰ

اور تمہیں ناواقف راہ پایا اور پھر ہدایت بخشی

وَوَجَدَكَ عَائِلًا فَأَغْنَىٰ

اور تمہیں نادار پایا اور پھر مالدار کر دیا

فَأَمَّا الْيَتِيمَ فَلَا تَقْهَرْ

لہٰذا یتیم پر سختی نہ کرو

وَأَمَّا السَّائِلَ فَلَا تَنْهَرْ

اور سائل کو نہ جھڑکو

وَأَمَّا بِنِعْمَةِ رَبِّكَ فَحَدِّثْ

اور اپنے رب کی نعمت کا اظہار کرو

أَلَمْ نَشْرَحْ لَكَ صَدْرَكَ

(اے نبیؐ) کیا ہم نے تمہارا سینہ تمہارے لیے کھول نہیں دیا؟

وَوَضَعْنَا عَنكَ وِزْرَكَ

اور تم پر سے وہ بھاری بوجھ اتار دیا

الَّذِي أَنقَضَ ظَهْرَكَ

جو تمہاری کمر توڑے ڈال رہا تھا

وَرَفَعْنَا لَكَ ذِكْرَكَ

اور تمہاری خاطر تمہارے ذکر کا آوازہ بلند کر دیا

فَإِنَّ مَعَ الْعُسْرِ يُسْرًا

پس حقیقت یہ ہے کہ تنگی کے ساتھ فراخی بھی ہے

إِنَّ مَعَ الْعُسْرِ يُسْرًا

بے شک تنگی کے ساتھ فراخی بھی ہے

فَإِذَا فَرَغْتَ فَانصَبْ

لہٰذا جب تم فارغ ہو تو عبادت کی مشقت میں لگ جاؤ

وَإِلَىٰ رَبِّكَ فَارْغَب

اور اپنے رب ہی کی طرف راغب ہو

وَالتِّينِ وَالزَّيْتُونِ

قسم ہے انجیر اور زیتون کی

وَطُورِ سِينِينَ

اور طور سینا کی

وَهَـٰذَا الْبَلَدِ الْأَمِينِ

اور اِس پرامن شہر (مکہ) کی

لَقَدْ خَلَقْنَا الْإِنسَانَ فِي أَحْسَنِ تَقْوِيمٍ

ہم نے انسان کو بہترین ساخت پر پیدا کیا

ثُمَّ رَدَدْنَاهُ أَسْفَلَ سَافِلِينَ

پھر اُسے الٹا پھیر کر ہم نے سب نیچوں سے نیچ کر دیا

إِلَّا الَّذِينَ آمَنُوا وَعَمِلُوا الصَّالِحَاتِ فَلَهُمْ أَجْرٌ غَيْرُ مَمْنُونٍ

سوائے اُن لوگوں کے جو ایمان لائے اور نیک عمل کرتے رہے کہ ان کے لیے کبھی ختم نہ ہونے والا اجر ہے

فَمَا يُكَذِّبُكَ بَعْدُ بِالدِّينِ

پس (اے نبیؐ) اس کے بعد کون جزا و سزا کے معاملہ میں تم کو جھٹلا سکتا ہے؟

أَلَيْسَ اللَّهُ بِأَحْكَمِ الْحَاكِمِينَ

کیا اللہ سب حاکموں سے بڑا حاکم نہیں ہے؟

اقْرَأْ بِاسْمِ رَبِّكَ الَّذِي خَلَقَ

پڑھو (اے نبیؐ) اپنے رب کے نام کے ساتھ جس نے پیدا کیا

خَلَقَ الْإِنسَانَ مِنْ عَلَقٍ

جمے ہوئے خون کے ایک لوتھڑے سے انسان کی تخلیق کی

اقْرَأْ وَرَبُّكَ الْأَكْرَمُ

پڑھو، اور تمہارا رب بڑا کریم ہے

الَّذِي عَلَّمَ بِالْقَلَمِ

جس نے قلم کے ذریعہ سے علم سکھایا

عَلَّمَ الْإِنسَانَ مَا لَمْ يَعْلَمْ

انسان کو وہ علم دیا جسے وہ نہ جانتا تھا

كَلَّا إِنَّ الْإِنسَانَ لَيَطْغَىٰ

ہرگز نہیں، انسان سرکشی کرتا ہے

أَن رَّآهُ اسْتَغْنَىٰ

اِس بنا پر کہ وہ اپنے آپ کو بے نیاز دیکھتا ہے

إِنَّ إِلَىٰ رَبِّكَ الرُّجْعَىٰ

پلٹنا یقیناً تیرے رب ہی کی طرف ہے

أَرَأَيْتَ الَّذِي يَنْهَىٰ

تم نے دیکھا اُس شخص کو

عَبْدًا إِذَا صَلَّىٰ

جو ایک بندے کو منع کرتا ہے جبکہ وہ نماز پڑھتا ہو؟

أَرَأَيْتَ إِن كَانَ عَلَى الْهُدَىٰ

تمہارا کیا خیال ہے اگر (وہ بندہ) راہ راست پر ہو

أَوْ أَمَرَ بِالتَّقْوَىٰ

یا پرہیزگاری کی تلقین کرتا ہو؟

أَرَأَيْتَ إِن كَذَّبَ وَتَوَلَّىٰ

تمہارا کیا خیال ہے اگر (یہ منع کرنے والا شخص حق کو) جھٹلاتا اور منہ موڑتا ہو؟

أَلَمْ يَعْلَم بِأَنَّ اللَّهَ يَرَىٰ

کیا وہ نہیں جانتا کہ اللہ دیکھ رہا ہے؟

كَلَّا لَئِن لَّمْ يَنتَهِ لَنَسْفَعًا بِالنَّاصِيَةِ

ہرگز نہیں، اگر وہ باز نہ آیا تو ہم اس کی پیشانی کے بال پکڑ کر اسے کھینچیں گے

نَاصِيَةٍ كَاذِبَةٍ خَاطِئَةٍ

اُس پیشانی کو جو جھوٹی اور سخت خطا کار ہے

فَلْيَدْعُ نَادِيَهُ

وہ بلا لے اپنے حامیوں کی ٹولی کو

سَنَدْعُ الزَّبَانِيَةَ

ہم بھی عذاب کے فرشتوں کو بلا لیں گے

كَلَّا لَا تُطِعْهُ وَاسْجُدْ وَاقْتَرِب ۩

ہرگز نہیں، اُس کی بات نہ مانو اور سجدہ کرو اور (اپنے رب کا) قرب حاصل کرو

إِنَّا أَنزَلْنَاهُ فِي لَيْلَةِ الْقَدْرِ

ہم نے اِس (قرآن) کو شب قدر میں نازل کیا ہے

وَمَا أَدْرَاكَ مَا لَيْلَةُ الْقَدْرِ

اور تم کیا جانو کہ شب قدر کیا ہے؟

لَيْلَةُ الْقَدْرِ خَيْرٌ مِّنْ أَلْفِ شَهْرٍ

شب قدر ہزار مہینوں سے زیادہ بہتر ہے

تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ

فرشتے اور روح اُس میں اپنے رب کے اذن سے ہر حکم لے کر اترتے ہیں

سَلَامٌ هِيَ حَتَّىٰ مَطْلَعِ الْفَجْرِ

وہ رات سراسر سلامتی ہے طلوع فجر تک

لَمْ يَكُنِ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ مُنفَكِّينَ حَتَّىٰ تَأْتِيَهُمُ الْبَيِّنَةُ

اہل کتاب اور مشرکین میں سے جو لوگ کافر تھے (وہ اپنے کفر سے) باز آنے والے نہ تھے جب تک کہ ان کے پاس دلیل روشن نہ آ جائے

رَسُولٌ مِّنَ اللَّهِ يَتْلُو صُحُفًا مُّطَهَّرَةً

(یعنی) اللہ کی طرف سے ایک رسول جو پاک صحیفے پڑھ کر سنائے

فِيهَا كُتُبٌ قَيِّمَةٌ

جن میں بالکل راست اور درست تحریریں لکھی ہوئی ہوں

وَمَا تَفَرَّقَ الَّذِينَ أُوتُوا الْكِتَابَ إِلَّا مِن بَعْدِ مَا جَاءَتْهُمُ الْبَيِّنَةُ

پہلے جن لوگوں کو کتاب دی گئی تھی اُن میں تفرقہ برپا نہیں ہوا مگر اِس کے بعد کہ اُن کے پاس (راہ راست) کا بیان واضح آ چکا تھا

وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ ۚ وَذَٰلِكَ دِينُ الْقَيِّمَةِ

اور اُن کو اِس کے سوا کوئی علم نہیں دیا گیا تھا کہ اللہ کی بندگی کریں اپنے دین کو اُس کے لیے خالص کر کے، بالکل یکسو ہو کر، اور نماز قائم کریں اور زکوٰۃ دیں یہی نہایت صحیح و درست دین ہے

إِنَّ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ فِي نَارِ جَهَنَّمَ خَالِدِينَ فِيهَا ۚ أُولَـٰئِكَ هُمْ شَرُّ الْبَرِيَّةِ

اہل کتاب اور مشرکین میں سے جن لوگوں نے کفر کیا ہے وہ یقیناً جہنم کی آگ میں جائیں گے اور ہمیشہ اس میں رہیں گے، یہ لوگ بد ترین خلائق ہیں

إِنَّ الَّذِينَ آمَنُوا وَعَمِلُوا الصَّالِحَاتِ أُولَـٰئِكَ هُمْ خَيْرُ الْبَرِيَّةِ

جو لوگ ایمان لے آئے اور جنہوں نے نیک عمل کیے، وہ یقیناً بہترین خلائق ہیں

جَزَاؤُهُمْ عِندَ رَبِّهِمْ جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا ۖ رَّضِيَ اللَّهُ عَنْهُمْ وَرَضُوا عَنْهُ ۚ ذَٰلِكَ لِمَنْ خَشِيَ رَبَّهُ

اُن کی جزا اُن کے رب کے ہاں دائمی قیام کی جنتیں ہیں جن کے نیچے نہریں بہ رہی ہوں گی، وہ ان میں ہمیشہ ہمیشہ رہیں گے اللہ ان سے راضی ہوا اور وہ اللہ سے راضی ہوئے یہ کچھ ہے اُس شخص کے لیے جس نے اپنے رب کا خوف کیا ہو

إِذَا زُلْزِلَتِ الْأَرْضُ زِلْزَالَهَا

جب زمین اپنی پوری شدت کے ساتھ ہلا ڈالی جائے گی

وَأَخْرَجَتِ الْأَرْضُ أَثْقَالَهَا

اور زمین اپنے اندر کے سارے بوجھ نکال کر باہر ڈال دے گی

وَقَالَ الْإِنسَانُ مَا لَهَا

اور انسان کہے گا کہ یہ اِس کو کیا ہو رہا ہے

يَوْمَئِذٍ تُحَدِّثُ أَخْبَارَهَا

اُس روز وہ اپنے (اوپر گزرے ہوئے) حالات بیان کرے گی

بِأَنَّ رَبَّكَ أَوْحَىٰ لَهَا

کیونکہ تیرے رب نے اُسے (ایساکرنے کا) حکم دیا ہوگا

يَوْمَئِذٍ يَصْدُرُ النَّاسُ أَشْتَاتًا لِّيُرَوْا أَعْمَالَهُمْ

اُس روز لوگ متفرق حالت میں پلٹیں گے تاکہ اُن کے اعمال اُن کو دکھائے جائیں

فَمَن يَعْمَلْ مِثْقَالَ ذَرَّةٍ خَيْرًا يَرَهُ

پھر جس نے ذرہ برابر نیکی کی ہوگی وہ اس کو دیکھ لے گا

وَمَن يَعْمَلْ مِثْقَالَ ذَرَّةٍ شَرًّا يَرَهُ

اور جس نے ذرہ برابر بدی کی ہوگی وہ اس کو دیکھ لے گا

وَالْعَادِيَاتِ ضَبْحًا

قسم ہے اُن (گھوڑوں) کی جو پھنکارے مارتے ہوئے دوڑتے ہیں

فَالْمُورِيَاتِ قَدْحًا

پھر (اپنی ٹاپوں سے) چنگاریاں جھاڑتے ہیں

فَالْمُغِيرَاتِ صُبْحًا

پھر صبح سویرے چھاپہ مارتے ہیں

فَأَثَرْنَ بِهِ نَقْعًا

پھر اس موقع پر گرد و غبار اڑاتے ہیں

فَوَسَطْنَ بِهِ جَمْعًا

پھر اِسی حالت میں کسی مجمع کے اندر جا گھستے ہیں

إِنَّ الْإِنسَانَ لِرَبِّهِ لَكَنُودٌ

حقیقت یہ ہے کہ انسان اپنے رب کا بڑا ناشکرا ہے

وَإِنَّهُ عَلَىٰ ذَٰلِكَ لَشَهِيدٌ

اور وہ خود اِس پر گواہ ہے

وَإِنَّهُ لِحُبِّ الْخَيْرِ لَشَدِيدٌ

اور وہ مال و دولت کی محبت میں بری طرح مبتلا ہے

۞ أَفَلَا يَعْلَمُ إِذَا بُعْثِرَ مَا فِي الْقُبُورِ

تو کیا وہ اُس حقیقت کو نہیں جانتا جب قبروں میں جو کچھ (مدفون) ہے اُسے نکال لیا جائے گا

وَحُصِّلَ مَا فِي الصُّدُورِ

اور سینوں میں جو کچھ (مخفی) ہے اُسے برآمد کر کے اس کی جانچ پڑتال کی جائے گی؟

إِنَّ رَبَّهُم بِهِمْ يَوْمَئِذٍ لَّخَبِيرٌ

یقیناً اُن کا رب اُس روز اُن سے خوب باخبر ہوگا

الْقَارِعَةُ

عظیم حادثہ!

مَا الْقَارِعَةُ

کیا ہے وہ عظیم حادثہ؟

وَمَا أَدْرَاكَ مَا الْقَارِعَةُ

تم کیا جانو کہ وہ عظیم حادثہ کیا ہے؟

يَوْمَ يَكُونُ النَّاسُ كَالْفَرَاشِ الْمَبْثُوثِ

وہ دن جب لوگ بکھرے ہوئے پروانوں کی طرح

وَتَكُونُ الْجِبَالُ كَالْعِهْنِ الْمَنفُوشِ

اور پہاڑ رنگ برنگ کے دھنکے ہوئے اون کی طرح ہوں گے

فَأَمَّا مَن ثَقُلَتْ مَوَازِينُهُ

پھر جس کے پلڑے بھاری ہوں گے

فَهُوَ فِي عِيشَةٍ رَّاضِيَةٍ

وہ دل پسند عیش میں ہوگا

وَأَمَّا مَنْ خَفَّتْ مَوَازِينُهُ

اور جس کے پلڑے ہلکے ہوں گے

فَأُمُّهُ هَاوِيَةٌ

اس کی جائے قرار گہری کھائی ہوگی

وَمَا أَدْرَاكَ مَا هِيَهْ

اور تمہیں کیا خبر کہ وہ کیا چیز ہے؟

نَارٌ حَامِيَةٌ

بھڑکتی ہوئی آگ

أَلْهَاكُمُ التَّكَاثُرُ

تم لوگوں کو زیادہ سے زیادہ اور ایک دوسرے سے بڑھ کر دنیا حاصل کرنے کی دھن نے غفلت میں ڈال رکھا ہے

حَتَّىٰ زُرْتُمُ الْمَقَابِرَ

یہاں تک کہ (اسی فکر میں) تم لب گور تک پہنچ جاتے ہو

كَلَّا سَوْفَ تَعْلَمُونَ

ہرگز نہیں، عنقریب تم کو معلوم ہو جائے گا

ثُمَّ كَلَّا سَوْفَ تَعْلَمُونَ

پھر (سن لو کہ) ہرگز نہیں، عنقریب تم کو معلوم ہو جائے گا

كَلَّا لَوْ تَعْلَمُونَ عِلْمَ الْيَقِينِ

ہرگز نہیں، اگر تم یقینی علم کی حیثیت سے (اِس روش کے انجام کو) جانتے ہوتے (تو تمہارا یہ طرز عمل نہ ہوتا)

لَتَرَوُنَّ الْجَحِيمَ

تم دوزخ دیکھ کر رہو گے

ثُمَّ لَتَرَوُنَّهَا عَيْنَ الْيَقِينِ

پھر (سن لو کہ) تم بالکل یقین کے ساتھ اُسے دیکھ لو گے

ثُمَّ لَتُسْأَلُنَّ يَوْمَئِذٍ عَنِ النَّعِيمِ

پھر ضرور اُس روز تم سے اِن نعمتوں کے بارے میں جواب طلبی کی جائے گی

وَالْعَصْرِ

زمانے کی قسم

إِنَّ الْإِنسَانَ لَفِي خُسْرٍ

انسان درحقیقت بڑے خسارے میں ہے

إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ

سوائے اُن لوگوں کے جو ایمان لائے، اور نیک اعمال کرتے رہے، اور ایک دوسرے کو حق کی نصیحت اور صبر کی تلقین کرتے رہے

وَيْلٌ لِّكُلِّ هُمَزَةٍ لُّمَزَةٍ

تباہی ہے ہر اُس شخص کے لیے جو (منہ در منہ) لوگوں پر طعن اور (پیٹھ پیچھے) برائیاں کرنے کا خوگر ہے

الَّذِي جَمَعَ مَالًا وَعَدَّدَهُ

جس نے مال جمع کیا اور اُسے گن گن کر رکھا

يَحْسَبُ أَنَّ مَالَهُ أَخْلَدَهُ

وہ سمجھتا ہے کہ اُس کا مال ہمیشہ اُس کے پاس رہے گا

كَلَّا ۖ لَيُنبَذَنَّ فِي الْحُطَمَةِ

ہرگز نہیں، وہ شخص تو چکنا چور کر دینے والی جگہ میں پھینک دیا جائے گا

وَمَا أَدْرَاكَ مَا الْحُطَمَةُ

اور تم کیا جانو کہ کیا ہے وہ چکنا چور کر دینے والی جگہ؟

نَارُ اللَّهِ الْمُوقَدَةُ

اللہ کی آگ، خوب بھڑکائی ہوئی

الَّتِي تَطَّلِعُ عَلَى الْأَفْئِدَةِ

جو دلوں تک پہنچے گی

إِنَّهَا عَلَيْهِم مُّؤْصَدَةٌ

وہ اُن پر ڈھانک کر بند کر دی جائے گی

فِي عَمَدٍ مُّمَدَّدَةٍ

(اِس حالت میں کہ وہ) اونچے اونچے ستونوں میں (گھرے ہوئے ہوں گے)

أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ

تم نے دیکھا نہیں کہ تمہارے رب نے ہاتھی والوں کے ساتھ کیا کیا؟

أَلَمْ يَجْعَلْ كَيْدَهُمْ فِي تَضْلِيلٍ

کیا اُس نے اُن کی تدبیر کو اکارت نہیں کر دیا؟

وَأَرْسَلَ عَلَيْهِمْ طَيْرًا أَبَابِيلَ

اور اُن پر پرندوں کے جھنڈ کے جھنڈ بھیج دیے

تَرْمِيهِم بِحِجَارَةٍ مِّن سِجِّيلٍ

جو اُن پر پکی ہوئی مٹی کے پتھر پھینک رہے تھے

فَجَعَلَهُمْ كَعَصْفٍ مَّأْكُولٍ

پھر اُن کا یہ حال کر دیا جیسے جانوروں کا کھایا ہوا بھوسا

لِإِيلَافِ قُرَيْشٍ

چونکہ قریش مانوس ہوئے

إِيلَافِهِمْ رِحْلَةَ الشِّتَاءِ وَالصَّيْفِ

(یعنی) جاڑے اور گرمی کے سفروں سے مانوس

فَلْيَعْبُدُوا رَبَّ هَـٰذَا الْبَيْتِ

لہٰذا اُن کو چاہیے کہ اِس گھر کے رب کی عبادت کریں

الَّذِي أَطْعَمَهُم مِّن جُوعٍ وَآمَنَهُم مِّنْ خَوْفٍ

جس نے اُنہیں بھوک سے بچا کر کھانے کو دیا اور خوف سے بچا کر امن عطا کیا

أَرَأَيْتَ الَّذِي يُكَذِّبُ بِالدِّينِ

تم نے دیکھا اُس شخص کو جو آخرت کی جزا و سزا کو جھٹلاتا ہے؟

فَذَٰلِكَ الَّذِي يَدُعُّ الْيَتِيمَ

وہی تو ہے جو یتیم کو دھکے دیتا ہے

وَلَا يَحُضُّ عَلَىٰ طَعَامِ الْمِسْكِينِ

اور مسکین کو کھانا دینے پر نہیں اکساتا

فَوَيْلٌ لِّلْمُصَلِّينَ

پھر تباہی ہے اُن نماز پڑھنے والوں کے لیے

الَّذِينَ هُمْ عَن صَلَاتِهِمْ سَاهُونَ

جو اپنی نماز سے غفلت برتتے ہیں

الَّذِينَ هُمْ يُرَاءُونَ

جو ریا کاری کرتے ہیں

وَيَمْنَعُونَ الْمَاعُونَ

اور معمولی ضرورت کی چیزیں (لوگوں کو) دینے سے گریز کرتے ہیں

إِنَّا أَعْطَيْنَاكَ الْكَوْثَرَ

(اے نبیؐ) ہم نے تمہیں کوثر عطا کر دیا

فَصَلِّ لِرَبِّكَ وَانْحَرْ

پس تم اپنے رب ہی کے لیے نماز پڑھو اور قربانی کرو

إِنَّ شَانِئَكَ هُوَ الْأَبْتَرُ

تمہارا دشمن ہی جڑ کٹا ہے

قُلْ يَا أَيُّهَا الْكَافِرُونَ

کہہ دو کہ اے کافرو

لَا أَعْبُدُ مَا تَعْبُدُونَ

میں اُن کی عبادت نہیں کرتا جن کی عبادت تم کرتے ہو

وَلَا أَنتُمْ عَابِدُونَ مَا أَعْبُدُ

اور نہ تم اُس کی عبادت کرنے والے ہو جس کی عبادت میں کرتا ہوں

وَلَا أَنَا عَابِدٌ مَّا عَبَدتُّمْ

اور نہ میں اُن کی عبادت کرنے والا ہوں جن کی عبادت تم نے کی ہے

وَلَا أَنتُمْ عَابِدُونَ مَا أَعْبُدُ

اور نہ تم اُس کی عبادت کرنے والے ہو جس کی عبادت میں کرتا ہوں

لَكُمْ دِينُكُمْ وَلِيَ دِينِ

تمہارے لیے تمہارا دین ہے اور میرے لیے میرا دین

إِذَا جَاءَ نَصْرُ اللَّهِ وَالْفَتْحُ

جب اللہ کی مدد آ جائے اور فتح نصیب ہو جائے

وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا

اور (اے نبیؐ) تم دیکھ لو کہ لوگ فوج در فوج اللہ کے دین میں داخل ہو رہے ہیں

فَسَبِّحْ بِحَمْدِ رَبِّكَ وَاسْتَغْفِرْهُ ۚ إِنَّهُ كَانَ تَوَّابًا

تو اپنے رب کی حمد کے ساتھ اُس کی تسبیح کرو، اور اُس سے مغفرت کی دعا مانگو، بے شک وہ بڑا توبہ قبول کرنے والا ہے

تَبَّتْ يَدَا أَبِي لَهَبٍ وَتَبَّ

ٹوٹ گئے ابولہب کے ہاتھ اور نامراد ہو گیا وہ

مَا أَغْنَىٰ عَنْهُ مَالُهُ وَمَا كَسَبَ

اُس کا مال اور جو کچھ اس نے کمایا وہ اُس کے کسی کام نہ آیا

سَيَصْلَىٰ نَارًا ذَاتَ لَهَبٍ

ضرور وہ شعلہ زن آگ میں ڈالا جائے گا

وَامْرَأَتُهُ حَمَّالَةَ الْحَطَبِ

اور (اُس کے ساتھ) اُس کی جورو بھی، لگائی بجھائی کرنے والی

فِي جِيدِهَا حَبْلٌ مِّن مَّسَدٍ

اُس کی گردن میں مونجھ کی رسی ہوگی

قُلْ هُوَ اللَّهُ أَحَدٌ

کہو، وہ اللہ ہے، یکتا

اللَّهُ الصَّمَدُ

اللہ سب سے بے نیاز ہے اور سب اس کے محتاج ہیں

لَمْ يَلِدْ وَلَمْ يُولَدْ

نہ اس کی کوئی اولاد ہے اور نہ وہ کسی کی اولاد

وَلَمْ يَكُن لَّهُ كُفُوًا أَحَدٌ

اور کوئی اس کا ہمسر نہیں ہے

قُلْ أَعُوذُ بِرَبِّ الْفَلَقِ

کہو، میں پناہ مانگتا ہوں صبح کے رب کی

مِن شَرِّ مَا خَلَقَ

ہر اُس چیز کے شر سے جو اُس نے پیدا کی ہے

وَمِن شَرِّ غَاسِقٍ إِذَا وَقَبَ

اور رات کی تاریکی کے شر سے جب کہ وہ چھا جائے

وَمِن شَرِّ النَّفَّاثَاتِ فِي الْعُقَدِ

اور گرہوں میں پھونکنے والوں (یا والیوں) کے شر سے

وَمِن شَرِّ حَاسِدٍ إِذَا حَسَدَ

اور حاسد کے شر سے جب کہ وہ حسد کرے

قُلْ أَعُوذُ بِرَبِّ النَّاسِ

کہو، میں پناہ مانگتا ہوں انسانوں کے رب

مَلِكِ النَّاسِ

انسانوں کے بادشاہ

إِلَـٰهِ النَّاسِ

انسانوں کے حقیقی معبود کی

مِن شَرِّ الْوَسْوَاسِ الْخَنَّاسِ

اُس وسوسہ ڈالنے والے کے شر سے جو بار بار پلٹ کر آتا ہے

الَّذِي يُوَسْوِسُ فِي صُدُورِ النَّاسِ

جو لوگوں کے دلوں میں وسوسے ڈالتا ہے

مِنَ الْجِنَّةِ وَالنَّاسِ

خواہ وہ جنوں میں سے ہو یا انسانوں میں سے # -------------------------------------------------------------------- # # Quran Translation # Name: ابوالاعلی مودودی # Translator: Abul A'ala Maududi # Language: Urdu # ID: ur.maududi # Last Update: November 15, 2010 # Source: Tanzil.net # # --------------------------------------------------------------------